ஓர் தெருவைக் காட்டவில்லை
காவலரணற்ற
ஓர் நகரைக் காட்டவில்லை
துள்ளித்திரிய ஒரு புல்வெளியையோ
ஊஞ்சலாட ஒரு பூங்காவையோ காட்டவில்லை
பூர்வீக நிலத்தையும்
மூதாதையரின் வீட்டையும்
காட்ட முடியவில்லை
சிறு அமைதியையோ
அச்சமற்ற ஓர் பொழுதையோ காட்டவுமில்லை
காட்டினோம் பாதுகாப்பற்ற நிலத்தை
அலைகடலையும்
எழும் சூரியனையும்
காயங்களற்ற ஒரு பொம்மையையும்
கிழியாத பூக்களையும்
பறவைகள் நிறைந்த வானத்தையும்
காட்ட முடியவில்லை
எல்லா உறுப்புக்களையும் புணர்பவர்களை
சூழ நிறுத்திவிட்டு
காட்ட முடியாதிருந்தோம்
ஒளியிருக்கும் திசையை
ஈற்றில் வழங்கியிருக்கிறோம்
ஆண்குறிகளை அடையாளம்
காட்டுமொரு காலத்தை.
0
தீபச்செல்வன்
நன்றி: தீராநதி
0 கருத்துகள்:
கருத்துரையிடுக