நான் எப்பொழுதும் இல்லாதிருக்கிறேன்
பெருங்காட்டில் இடமின்றி
அலையும் விலங்காய்
பெரும் வான வெளியில்
இடமற்று அலையும் பறவையாய்
திசைகளின்மீது
வெளிகளின்மீதும் வீழ்க்கிறேன்
எனது பொருட்களெல்லாம் எறியப்பட்டன
சுவரின்றிக் கிடக்கும்
புகைப்படங்களில் அழியும்
நினைவுகள் பறக்கின்றன
தொல்பொருட்களைத் தொலைத்தேன்
எதையும் சேகரிக்கவில்லை
மாபெரும் இப்பூமியில்
எனக்கென்று ஒரு இடமற்று இருக்கிறேன்.
தீபச்செல்வன்
நன்றி : மல்லிகை ஆண்டு மலர் 2012
2 கருத்துகள்:
நிலமிழந்த ஒருவனின் பெயர்வை எடுத்துக்காட்டும் நல்ல கவிதை வரிகள். ஏற்கனவே லதா ராமகிருஸ்ணன் தீபச்செல்வனின் பல கவிதைகளை மொழிபெயர்ந்துள்ளார். இதுவும் பெயர்க்கப்படும்போது கவிதை மேலும் பலரின் கவனத்திற்கு உட்படும்என நினைக்கிறேன்.
அருமையான வரிகள்
பாராட்டுக்கள்
தமிழ்த்தோட்டம்
www.tamilthottam.in
கருத்துரையிடுக